HIZKUNTZAK
  • Kontratatutako zerbitzuak

    Informazio praktikoa eta xehetasunak

Ohar garrantzitsua: COVID-19ak eragindako pandemiagatik, egoera aldakorra izan daiteke.



Jangela

  • Taldeak, begiraleak eta egutegia

    HH

    LH

  • Tarifak eta kontratazioa

    Jangela-zerbitzuaren ordainketa erabileraren baitakoa da: erabiltzen diren jangela-egunen baitan egiten da kobraketa, hurrengo hilaren lehen egunean.

     Ohiko erabiltzailea: 5,75€/otordua
     Otordu jakinak: 7€/otordua

    Gogoan hartzekoak:

    • Zerbitzuaren kontratazioa urtekoa, denboraldi baterakoa edota egun jakinetarakoa izan daiteke.
    • Ikastolaz kanpoko arrazoiengatik (gaixoaldiak, mediku-hitzorduak…) haurra jangelara ez dela joango abisatuz gero, ez da kobratuko.
    • Beranduenez, egunean bertan goizeko 10:00ak baino lehen eman behar da horren berri e-mailez, telefonoz (943 52 03 97) edo whatsappez (660 371 526).
    • Ikastolak antolatutako ekintzengatik (irtenaldiak…) ez bada haurra jangelara joango, ez da abisatu beharrik. Kasu horietan, Ikastolako arduradunak beraiek arduratuko dira egun horretako jangela ez kobratzeaz.
    • Ikasturtean zeharreko egun solteetarako jangela-zerbitzua kontratatzeko aukera badago. E-mailez, telefonoz (943 52 03 97) edo whatsappez (660 371 526) kontrata daiteke. Beranduenez, egunean bertan goizeko 10:00ak baino lehen eman behar da horren berri.
  • Altak eta bajak

    Denboraldi baterako zein ikasturtea amaitu arte zerbitzua moldatzeko, kontratatzeko edo bertan behera uzteko:

    Egun jakinetarako zerbitzua kontratatzeko zein bertan behera uzteko (beranduenez, egunean bertako 10:00etan):

  • Zenbait ohar garrantzitsu

    • Elikadura ohitura jakinak badituzue edota haurrak dieta berezia behar badu, eman, mesedez, horren berri zerbitzuak@oreretaikastola.eus helbide elektronikora mezua bidalita. Dieta berezien kasuan, medikuaren ziurtagiria behar da.
    • Haur Hezkuntzako ikasleek jangelarako mantal propioa behar dute.
    • Komenigarria da Añabitarteko ikasle gazteenek aldatzeko arropa ekartzea; hala behar izanez gero, erabil dezaten. Euria deneko egunetarako zira eta oinetako egokiak ekartzen badituzte, askoz hobe.
    • Jardunaldi murritzeko egunetan:
      • Haur Hezkuntzako ikasleak 14:00etatik 15:00ak bitartean jaso behar dira.
      • Lehen Hezkuntzakoak, garraio-erabiltzaileak ez izan arren, Tulleko geltokira jaitsiko dira autobusez bazkalostean (14:45ean).
  • Araudia

    Ikasleak

    • Jangelarako joan-etorriak begiralearekin egingo dira.

    • Jangelako sarrera-irteerak egoki egingo dira: lasaitasunez, eta bultzakada, korrikaldi eta liskarrik gabe.

    • Ikasleak komunera joango dira eskuak garbitzera mahaiean eseri aurretik.

    • Jangelako hizkuntza euskara izango da.

    • Mahaiko elkarrizketak hizkera egokian egingo dira.

    • Ikasleek jangelako altzariak zainduko dituzte. Erabilera desegokiagatik ikasleren batek kalterik eragingo balu, konponketa hark ordaindu beharko du.

    • Ikaslea jangelako tresnak egoki erabiltzen saiatuko da. Haur Hezkuntzako ikasleei lagundu egingo zaie helburu hori lortu artean.

    • Nahitaezkoa da ikasleek plater bakoitzeko gutxieneko kantitatea jatea. Haur Hezkuntzako ikasleekin eta ikasle berriekin malgutasunez jokatuko da.

    • Ikasleak, iradokizunen balu edo zerbait behar izanez gero, errespetuz eskatuko dio begiraleari: eskua altxatuko du, eserita egongo da eta ez da lekuz mugituko.

    • Jangelako begiraleak eta langileak errespetuz tratatuko dira eta haien erabakiak errespetatuko dira.

    • Klase-ordurik gabeko tarteetan, ikasleak ezin izango dira geletara sartu arduradunaren baimenik gabe. Halaber, ezin izango dira Ikastolako eremutik kanpo ere ibili.

    • Ikastolako arduradunak arauak behin eta berriz hausten dituen ikaslearen jarrera hobetzen saiatuko dira elkarrizketaren bitartez. Horrez gain, gurasoak horren jakitun egingo ditu Ikastolak. Horiek eginda ere ikasleak jarrera aldatzen ez badu, diziplinazko neurria ezarriko zaio eta jangela-zerbitzua erabiltzeko eskubidea galdu ahal izango du.

    Ikastolako langileak

    • Ikastolako langileak patxadaz, pazientziaz, atentzioz eta egoki zuzenduko zaizkie ikasleei.

    • Malgutasunez, koherentziaz eta arduraz jokatuko dute.

    • Jangelako ordua hezkuntza proiektuaren parte izateko irizpideen baitan egingo dute lan.

    • Euskara izango da lanerako hizkuntza.

    • Ikastolako langileen ardura da jangelako joan-etorriak behar bezala egitea.

    • Jangelako sarrera-irteerak, otorduak berak eta bazkalosteko tarteak lasaiak, egokiak eta errespetuzkoak direla bermatzen saiatuko dira.

    • Ikastolako langileek jangelako arauak errespetaraziko dituzte.

    • Elikadura- eta jan-ohitura egokiak sustatuko dituzte. Baita bizikidetzarako oinarrizko jokabideak ere.

    • Jangelaren funtzionamendu egokiaz arduratuko dira. Hala dagokionean, aldez aurretik adostutako disziplinazko nerriak betearazteaz arduratuko dira.

    • COVID-19agatik, musukoa jantzita ibiliko dira.

    Ikus Ikastolako Funtzionamendu eta Elkarbizitzarako Araudia

  • Kontaktua

    Maider Veramendi (zerbitzu-arduraduna)

Garraioa

  • Ibilbideak, geltokiak, ordutegia eta begiraleak

  • Tarifak eta kontratazioa

    • Asteko egunen batean (bakarrean bada ere) hiru bidaia edo gehiago egingo baditu haurrak, 66€ kobratuko dira hilean; eserlekua erreserbatu egin behar baita.

    • Zerbitzuaren kontratazioa urtekoa eta kuota bitartekoa da. Hamar kuotetan ordaintzen da (irailetik ekainera).

    • Ikasturte osoko edo denboraldi bateko kontratazio-aldaketa, edota zerbitzu- hartze edo -uzte eskaerak zerbitzu-arduradunari egin behar zaizkio e-mailez edo telefonoz (943 52 03 97). Hark aztertu eta, hala badagokio, emango du onartutzat eskaera. Eskariaren onarpena beharrezkoa da.

    • Bidaia jakinak e-mailez, telefonoz (943 52 03 97) edo whatsappez (660 371 526) kontrata daitezke.

    • Ikastolaren eskumenetik kanpoko gertakariren bategatik zerbitzua eskaintzerik ez dagoenean, ez da itzulketarik egingo; kuota bitartez ordaintzen den zerbitzua baita.

  • Altak eta bajak

    Denboraldi baterako zein ikasturtea amaitu arte zerbitzua moldatzeko, kontratatzeko edo bertan behera uzteko:

    Egun edo bidaia jakinak kontratatzeko (beranduenez, bezperan):

  • Zenbait ohar garrantzitsu

    • Ordutegia eta ibilbideak aurrez egiaztatuta badaude ere, komenigarria da aipatu ordua baino 5 minutu lehenago egotea geltokian.
    • Ikastolari dagokio garraio-zerbitzuaren antolaketa. Ikastolaren eskumenekoa da autobusen ibilbideak, geltokien kokaguneak eta ikasleei dagozkien geltokiak zein diren erabakitzea.
    • Nahitaezkoa da ikasleek ikasturte hasieran egokitu zaizkien autobus eta geltoki berak erabiltzea kurtso osoan zehar. Aldaketak egiteko, hala dagokion baimena behar da.
    • Lehen Hezkuntzako 1. mailako ikasleek zinta bat eramango dute lehen astean. Zinta horretan ikaslearen izena eta dagokion geltokia azaldu behar dira.
  • Araudia

    Ikasleak

    • Ikasleak autobuseko begiralea eta gidaria errespetatu behar ditu, baita Ikastolako beste edozein langile ere. Haien erabakiak errespetatuko dira.

    • Autobuseko hizkuntza euskara izango da.

    • Ikaslea bere eserlekuan behar bezala eserita joango da segurtasun-uhala jarrita. Gainontzeko segurtasun-neurriak ere beteko ditu.

    • Autobusean eserita joan behar da, garraisirik egin eta liskarrik sortu gabe. Autobusean ezin da jan. Segurtasunaren mesedetan, autobusean ezin dira jostailuak, baloiak, pilotak… erabili.

    • Autobuseko altzariak eta bestelakoak (gortinak, burukoak…) modu egokian erabili behar dira. Erabilera desegokiagatik ikasleren batek kalterik eragingo balu, konponketa hark ordaindu beharko du.

    • Autobusetako sarrera-irteerak modu egokian egingo dira, bultzakadarik eta korrikaldirik gabe. Ikasleak segurtasun-neurriak errespetatuko ditu autobusaren zain dagoen bitartean: Añabitarten, hesiaren barrualdean egongo da; geltokian, berriz, espaloian.

    • Eskolak amaitzean, ikaslea geltokira joango da eta bertan itxarongo dio autobusari.

    • Ikaslea familiaren ardurapean egongo da, bai geltokirako bidean baita geltokian bertan ere autobusa iritsi bitartean. Autobusetik jaistean, ikaslea familiaren ardurapean geratuko da. Lehen Hezkuntzako ikasleen kasuan, etxera edo dena delako lekura bakarrik joateko baimena badu, begiraleari jakinarazi behar dio ikasleak berak edo haren arduradunak.

    • Ikastolako arduradunak arauak behin eta berriz hausten dituen ikaslearen jarrera hobetzen saiatuko dira elkarrizketaren bitartez. Horrez gain, gurasoak horren jakitun egingo ditu Ikastolak. Horiek eginda ere ikasleak jarrera aldatzen ez badu, diziplinazko neurria ezarriko zaio eta autobus-zerbitzua erabiltzeko eskubidea galdu ahal izango du.

    • COVID-19aren eraginez, musukoa jarrita ibili behar du. Ezingo du autobusean jan edo edan.

    Ikastolako arduradunak

    • Ikastolako langileak patxadaz, pazientziaz, atentzioz eta egoki zuzenduko zaizkie ikasleei.

    • Malgutasunez, koherentziaz eta arduraz jokatuko dute.

    • Garraio-zerbitzua hezkuntza proiektuaren parte izateko irizpideen baitan egingo dute lan.

    • Euskara izango da lanerako hizkuntza.

    • Autobuseko sarrera-irteerak lasaiak, egokiak eta errespetuzkoak direla bermatzen saiatuko dira.

    • Ikastolako langileek garraio-zerbitzuko arauak errespetaraziko dituzte, bereziki, segurtasunaren mesedetan. Baita bizikidetzarako oinarrizko jokabideak sustatu ere.

    • Ikastolako langileen ardura da autobuseko joan-etorriak behar bezala egitea, ikaslea herriko geltokian hartzen dutenetik bertan uzten duten arte, haren arduradunaren ardurapean (ikasleak etxera edo dena delako lekura bere kabuz joateko baimena duenetan izan ezik).

    • Garraio-zerbitzuaren funtzionamendu egokiaz arduratuko dira. Hala dagokionean, aldez aurretik adostutako disziplinazko nerriak betearazteaz arduratuko dira.

    • COVID-19aren eraginez, musukoa jantzita ibiliko dira.

    Ikus Ikastolako Funtzionamendu eta Elkarbizitzarako Araudia

  • Kontaktua

    Maider Veramendi (zerbitzu-arduraduna)

Txokoa

  • Begiraleak, egutegia eta ordutegia

    HH

    LH

  • Tarifak eta kontratazioa

    • Zerbitzuaren kontratazioa urtekoa eta kuota bitartekoa da. Hamar kuotetan ordaintzen da (irailetik ekainera). Bi urteko haurren familiek bederatzi kuota izango dituzte (urritik ekainera), egokitzapena bukatu ostean eskaintzen baita zerbitzua.

    • Egun jakinak e-mailez, telefonoz (943 52 03 97) edo whatsappez (660 371 526) kontrata daitezke. Haur Hezkuntzako ikasleen kasuan, Txokoa egun osorako kontratatu behar da: ezin da goizerako edo arratsalderako bakarrik kontratatu.

    • Ikastolaren eskumenetik kanpoko gertakariren bategatik zerbitzua eskaintzerik ez dagoenean, ez da itzulketarik egingo; kuota bitartez ordaintzen den zerbitzua baita.

  • Altak eta bajak

    Denboraldi baterako zein ikasturtea amaitu arte zerbitzua moldatzeko, kontratatzeko edo bertan behera uzteko:

    Egun jakinetarako zerbitzua kontratatzeko (beranduenez, bezperan):

  • Zenbait ohar garrantzitsu

    • Goizean haurrak Txokoan uzteko azken ordua ikasmaila bakoitzaren ordutegiaren araberakoa da. Ikusi 2020-21 ikasturteko ordutegiak

    • Haur Hezkuntzako haurrei Esmalterian eta Linon eskaintzen zaie Txokorako aukera; haur bakoitzak eskolak izaten dituen eraikinean, hain justu.

  • Araudia

    Ikasleak

    • Ikasleak Txokoko begiralea errespetatu behar du, baita Ikastolako beste edozein langile ere. Haien erabakiak errespetatuko dira.

    • Txokoko hizkuntza euskara izango da.

    • Txokoko sarrera-irteerak egoki egingo dira: lasaitasunez, eta bultzakada, korrikaldi eta liskarrik gabe.

    • Txokoko altzariak eta bestelakoak modu egokian erabili behar dira. Erabilera desegokiagatik ikasleren batek kalterik eragingo balu, konponketa hark ordaindu beharko du.

    • Txokoa amaitzean, ikasleak ikasgelara joango dira.

    • Goizean Txokora sartu aurretik eta arratsaldean (Haur Hezkuntzakoen kasuan) handik ateratzean ikaslea familiaren ardurapean egongo da.

    • Ikastolako arduradunak arauak behin eta berriz hausten dituen ikaslearen jarrera hobetzen saiatuko dira elkarrizketaren bitartez. Horrez gain, gurasoak horren jakitun egingo ditu Ikastolak. Horiek eginda ere ikasleak jarrera aldatzen ez badu, diziplinazko neurria ezarriko zaio eta txoko-zerbitzua erabiltzeko eskubidea galdu ahal izango du.

    • COVID-19aren eraginez, Linoko (HH) eta Añabitarteko (LH) haurrek musukoa erabili behar dute.

    Ikastolako arduradunak

    • Ikastolako langileak patxadaz, pazientziaz, atentzioz eta egoki zuzenduko zaizkie ikasleei.

    • Malgutasunez, koherentziaz eta arduraz jokatuko dute.

    • Txokoa hezkuntza proiektuaren parte izateko irizpideen baitan egingo dute lan.

    • Euskara izango da lanerako hizkuntza.

    • Txokoko sarrera-irteerak lasaiak, egokiak eta errespetuzkoak direla bermatzen saiatuko dira.

    • Ikastolako langileek Txokoko arauak errespetaraziko dituzte. Baita bizikidetzarako oinarrizko jokabideak sustatu ere.

    • Ikastolako langileen ardura da Txokoko sartu-irteerak behar bezala egitea, ikaslea hartzen dutenetik hura irakaslearen edo familiaren ardurapean uzten duten arte.

    • Txokoaren funtzionamendu egokiaz arduratuko dira. Hala dagokionean, aldez aurretik adostutako disziplinazko nerriak betearazteaz arduratuko dira.

    • COVID-19aren eraginez, musukoa jantzita ibiliko dira.

    Ikus Ikastolako Funtzionamendu eta Elkarbizitzarako Araudia

  • Kontaktua

    Maider Veramendi (zerbitzu-arduraduna)