Bedatselekuak 2024
Urte luzez Udalekuak antolatzen pilatutako esperientzia oinarri, Bedatselekuak (udaberriko egonaldiak) eta Negulekuak ere antolatzen ditu egun Orereta Ikastolak.
Bedatselekuen (udaberriko egonaldien) ardatza udaberria bera da. Urtaroa gaitzat hartuta eta haren ezaugarriez baliatuz, jolas eta joko ezberdinekin gozatuko dute haurrek.
Bedatselekuek Ikastolako proiektu hezitzaileari jarraipena ematea dute xede, bide batez, familien premiei ere erantzunez. Bedatselekuak programa aisialdi hezitzailearen printzipio eta baloreetan oinarritzen da, eta euskara ardatz, haurrentzako ekintza erakargarri eta gozagarriak eskaintzea du helburu. Horretarako lanabesak jolasa, esperimentazioa, harreman osasuntsuak, esplorazioa… dira, horiek haurren hazkunde eta garapen osoan duten garrantziaren jakitun baikara.
Zirimolak, Euskal Herriko Ikastolen Aisialdi Taldeak, formatu eta koordinatutako hezitzaileak izango dira Bedatselekuak aurrera eramango dituztenak.
Helburuak
- Euskararen erabilera sustatzea eta euskarazko erreferenteak eskaintzea.
- Behar fisiko eta emozionalei erantzuten dien proposamen ludikoa eskaintzea.
- Haurrak protagonista izatea, beren parte-hartzea izatea oinarri.
- Bedatselekuetan gustura eta zoriontsu bizitzeko oinarriak finkatzea, eguneroko bizikidetza ohiturak landuz.
- Haur eta familiei konfiantzazko eta ziurtasunezko guneak eskaintzea.
Norentzako?
HH3-LH3ko haurrak
(izan Ikastolako ikasleak ala ez)
Noiz eta non?
martxoak 25 – apirilak 5
(09:00etatik 13:00etara)
* Zaintza zerbitzua
(goizeko txanda: 08:00etatik 09:00etara | eguerdiko txanda:
13:00etatik 14:00etara)
Ikastolako Linoko eraikinean
Zein da prezioa?
1. astea (martxoak 25-27): 74€/ikaslea
2. astea (apirilak 2-5): 84€/ikaslea
Zaintza zerbitzua:
1. astea (martxoak 25-27): 6€/txanda (ikasleko)
2. astea (apirilak 2-5): 8€/txanda (ikasleko)
Izen-ematea: otsailak 21- martxoak 10
Laguntza behar duzu?
Orereta Ikastola:
udalekuak@oreretaikastola.eus | 943 52 03 97
Ikastolen Elkartea:
www.zirimola.eus | 943 44 51 08
