Zubiak Eraikiz proiektuaren itzalpean, urteak dira Orereta Ikastolak harremana duela Ipar Euskal Herriko beste hainbat Ikastolarekin. Muga administratiboez gaindi, Ikastolen, irakasleen zein ikasle eta familien arteko harremanak sortu eta indartzea; elkarrengandik hain kilometro gutxira egonik, batzuen zein besteen errealitatea ezagutzea; eta elkarri babesa eta laguntza eskaintzea ditugu xede, besteak beste, Zubiak Eraikiz proiektuan parte hartzen dugun Ikastolok.
Ikastolen arteko harremanak sendotzen jarraitzeko asmoz, eta martxoaren 14an 23. KORRIKA Irunen hasiko denaren aitzakian, Zubiak Eraikiz proiektuak KORRIKAn bere kilometro zatia izango du Hendaian. Eta Orereta Ikastolako komunitatekideak hara joango gara lasterka egitera.
