2024ko Kilometroak festa urriaren 6an ospatuko da Azpeitian, Ikasberri Ikastolak antolatuta eta “Izpiz izpi” lemapean. Orereta Ikastolak hara joateko autobusa antolatu du, Azpeitiko eta Gipuzkoako Ikastolek guztion babesa eta ekarpena zinez eskertuko baitute.
Autobusa Niessengo geltokitik (Donostiako noranzkoan) aterako da goizeko 9:00etan eta 19:00etan abiatuko da Azpeititik bueltan herrira. 13€ (helduak) eta 8€ (adin txikikoak) kostako da joan-etorria.
Orereta Ikastolaren Esmalteriako (15:30-17:30) eta Añabitarteko (08:00-13:30/14:00-16:30) bulegoan daude salgai Kilometroetara Ikastolak antolatutako autobusean joateko tiketak.
