Urte luzez Udalekuak antolatzen pilatutako esperientzia oinarri, egun Bedatselekuak (udaberriko egonaldiak) eta Negulekuak ere antolatzen ditu Orereta Ikastolak. Denek Ikastolako proiektu hezitzaileari jarraipena ematea dute xede, bide batez, familien premiei ere erantzunez.
Bedatselekuak (udaberriko egonaldiak) HH3tik LH3ra arteko haurrentzako dira (izan Ikastolako ikasle ala ez) eta aurten martxoaren 25etik apirilaren 5era egingo dira Ikastolako Linoko eraikinean.
