ETAPA MAILAKOAK
MILA KILO ZORION
Mila kilo zorion
dizugu eskaintzen,
beste urte berri bat
duzulako hasten.
Baietz asmatu zenbat
dituzun betetzen,
zergatik ez ditugu
txaloka kontatzen?
Urriak 23: Maitane Oñatibia
Urriak 25: Naroa Perez
Gau Beltza
Urriak 25: Hazteneko ikasleek ipuin beldurgarriak entzungo dituzte baserrian.
Urriak 26: Heltzeneko ikasleek ipuin beldurgarriak entzungo dituzte baserrian.
Urriak 27: 2., 3. eta 4. mailako ikasleek dantzaren entsegua. Horretarako, ikasleen zerrenda bete.
*Calendarren xehetasun gehiago
Innovamat
Urriaren 23an, 1. mailako gurasoek Innovamateko formazioa jasoko dute arratsaldeko 17:30ean Areto Nagusian.
Sexu heziketa
Urriaren 24an, 6. mailako gurasoek sexu heziketaren inguruko formazioa jasoko dute 17:30ean Areto Nagusia . Bide batez, esan nahi dizuegu lehen aldiz “Telegram” aplikazioa erabiliko dela euskaraz ulertzen ez duten gurasoek azalpena uler dezaten.
Gainditu gabeko arloak
Klaustroan azaldu bezala, irakasle bakoitzak bere ikasleek dituzten gainditu gabeko arloen errekuperazio plan bat diseinatu beharko du. Zuen ikasleek gainditu gabe dituzten arloak zein diren ikusteko, laguntza bideo hau balia dezakezue. Gogoratu ikasle hauen kasuan ere, JPP (NJP)a irekita behar dutela.
Bide batez, gogorarazi nahi dizuegu, JPPa (NJP) duten ikasleak taula honetan erregistratuko ditugula hauen jarraipena egin ahal izateko.
*Calendarren xehetasun gehiago
Sortaldeak
Jarraian duzuen taulan, gainontzeko etapetako sortaldeak dituzue, beraiekin koordinatu ahal izateko.
Asteko kanta
Urriaren 31n Gau emtza ospatu dugunez, datozen asteetan Pirritx, Porrotx eta Marimototsen “Arimen gaua” entzungo dugu.
https://www.youtube.com/watch?v=6BhvHSRDhjw
IKASTOLA MAILAKOAK
Gau Beltza 2023
Pasa den astean aurreratu bezala, Gau Beltza ospatuko dugu urriaren 31n herriko hainbat eragilerekin batera. Langile atarian topatuko dituzue xehetasunak. Anima zaitezte parte hartzera!
Zubiak Eraikiz: Hendaiako Ikastolako Eguberriko txokolatezko egutegia
Zubiak Eraikiz egitasmoan bidelagun dugun Hendaiako Gure Ikastolak aurten ere egin du Eguberriko txokolatezko egutegia. 24 txokolatez osatutako egutegia da, abenduaren lehenetik Gabon-egunera bitartekoa; bertako txokolategile eta papergileekin egina.
Hendaiako Ikastola aurrera ateratzeko pentsatutako ekimena denez, egutegia eskatzera gonbidatzen zaituztegu. 10 € balio ditu eta azaroaren 1a da eskatzeko azken eguna. Ostean, eskura emango dira eta momentuan ordaindu beharko dira eskudirutan. Langile atarian eska dezakezue egutegia.
Errigora: “Euskarari puzka” udazkeneko kanpaina 2023
Errigorako udazkeneko kanpaina gaur, urriaren 20an, jarri da martxan. Azaroaren 9ra arteko epea dago saskiak eskatzeko.
Berezia izango da aurtengoa, 10 urte betetzen baititu Errigora ekimenak. 2013ko udazkenean bidea urratzen hasi zenetik, 10 urte bete-bete pasa dira. Ordutik, urteez gain, 130.000tik gora saski bete ditu Errigorak Nafarroa hegoalde eta erdialdeko produktuekin, Euskal Herrian bertan kontsumi daitezen. Aldi berean, euskalgintzaren zakua ere oparo bete du: 1.800.000 euro saskiek emandako mozkinekin; saski bakoitzaren balioaren % 25 Agerraldia ekimena indartzeko eta Nafarroa erdialdeko eta hegoaldeko euskalgintza (tartean, Ikastolak) laguntzeko erabiliz, hain justu. Udazken ezin aproposagoa dugu hau inoiz saskia eskatu duten guztiak eta lehenengoz eskatuko dutenak biltzeko eta inoizko eskaerarik handiena osatzeko denon artean! Kanpainaren gaineko xehetasun gehiago eta saskiak eskatzeko aukera langile atarian duzue.
ETAPA ARTEKOAK
HH-LH-DBH | Irakurzaletasuna sustatzen, haria galdu gabe
Hartu du martxa 2023-24 ikasturteak, bada hilabete ikasgelak bizi-bizi daudenetik. Martxa horrek ematen die urteroko proiektu eta egitasmoei abian jartzeko aukera; urtea irudikatzen, idazten eta haren liburua edota istorioa osatzen hasteko parada.
Eta irakurzaletasunaz hitz egingo dugu, hain justu. Istorio eta kontakizunetan bezala, HHtik hasi eta DBHraino, irakurzaletasunaren haririk ez baitute galtzen Ikastolako ikasleek “Kontu Kontari”tik hasi eta “Irakurriz Gozatu” arterako egitasmoei esker. Langile atarian (albisteen atalean) duzue irakurgai Ikastolan irakurzaletasuna sustatzeko ditugun proiektuen gaineko artikulua.
BESTELAKOAK
Ikastolen Elkartearen balorazioa EAEko Hezkuntza Lege berriari alderdiek egindako zuzenketez
Atzo, Eusko Legebiltzarraren gehiengoak ezezkoa eman zien Elkarrekin-Podemos-IUk, PPk, Ciudadanosek eta Voxek Hezkuntza Lege berriari jarritako osoko zuzenketei. Beraz, lege proiektua ez da berriro Eusko Jaurlaritzara itzuliko, eta alderdiek egindako zuzenketa partzialak eztabaidatzeari ekingo diote. Urtea amaitu aurretik onartu nahi du legea Hezkuntza Sailak.
Euskal Herriko Ikastolen Elkarteak alderdi politikoek aurkeztutako zuzenketei (osokoak eta partzialak) buruzko iritzia eman du aste honetan, ohar bitartez. Euskararen gaiak kezkatzen gaitu, bereziki, Ikastolok. Hizkuntza ereduei eustea atzerapausoa da, hizkuntza ereduek ez baitute euskalduntzen eta horiek gaindituko dituen eredu bat behar baitugu oinarri; murgiltze eredua, hain justu. Lege honek euskara gehiago behar du, baina beldur gara, gai honetan aurrera egin baino atzerapausoak emateko arriskua dagoelako. Euskararen egoerak hizkuntza politika sendo eta eraginkorrak behar ditu eta jauzia egiteko garaia da. Ezingo genuke onartu orain arte egin dugun ibilbideari uko egin eta atzerapausoak ematea gai honetan.
Euskal Curriculumaren, gobernantza ereduaren eta Euskal Hezkuntza Zerbitzu Publikoaren, naziotasunaren, segregazioaren eta eta doakotasunaren gaineko balorazioak ere egin ditu Ikastolen Elkarteak. Hemen irakur dezakezue oharra osorik.
