ETAPA MAILAKOAK
Mila kilo zorion
Mila kilo zorion
dizugu eskaintzen,
beste urte berri bat
duzulako hasten.
Baietz asmatu zenbat
dituzun betetzen,
zergatik ez ditugu
txaloka kontatzen?
Maiatzak 30: Asier Arrieta
Ekainak 3: Naroa Otamendi
Ikasturte amaierako egonaldiak
- LH1: maiatzaren 28tik ekainaren 1era Piraten Etxera
- LH4: ekainaren 7tik 9ra Lizarrara
- LH5: ekainaren 7tik 9ra Zuhatzara
- LH6: ekainaren 7tik 9ra IrrisarriLand-era
Ebaluazio bilerak: HAZTEN
- LH2: maiatzak 31
- LH3: maiatzak 29
Ikastolaren Eguna
Ekainaren 3an Ikastolaren Eguna izango dugunez, gogoratu txokoen ardurak bete behar ditugula jarraian duzuen taulan.
Gogoratu, datorren ostegunean, ekainaren 1ean, 15:30ean entsegu orokorra egingo dugula beheko futbol zelaian.
- Erakusketa: ekainaren 1ean Areto Nagusira erakusketako artelanak jaitsi behar dira. Ostegun eguerdia erakusketa muntatzeko erabiliko da.
LH3 | Atlantikaldiko saioa
Aurten ere, LH 3. mailakoek Atlantikaldiko ekimenaren aurrelanketan parte hartuko dute. Hori dela eta, maiatzaren 31n eta ekainaren 1ean saio berezi bat jasoko du gela bakoitzak.
- Maiatzak 31
- 9:00-10:00: 3A
- 10:00-11:00: 3B
- Ekainak 1
- 9:00-10:00: 3C
- 10:00-11:00: 3D
Inika: aurreko ikasturteetan gainditu gabeko irakasgaiak
Ikasleek aurreko ikasturteetan gainditu gabe dituzten irakasgaiak Inikan ikusi ahal izateko, esteka honetan duzue azalpena.
Zirimola eta Aisiola hezitzaile eskola
Aurten ere Aisiola hezitzaile eskolan begirale titulua ateratzen dabiltzan ikasleak izango ditugu gurean. Jolasgarietako eta eguerdietako tarteetan material eta dinamika desberdinak proposatuko dizkiete gure ikasleei ekainaren 12tik 22ra. Gure ikasleek, ohi bezala, egun bakoitzean egokitzen zaien eremuan topatuko dituzte begiraleak prest. Irakasleoi ikasleak jarrera egokiz dihardutela begiztatzea dagokigu.
Zaria koru eskola: musikala
Zaria koru eskolako ikasleek ekainaren 18an musikal bat egingo dute Lekuonako aretoan. Hori dela eta, 3. mailako ikasleak bertan parte hartzera gonbidatu dira eta horregatik, datorren astelehenean Imanol Elizasurekin saio bat egingo dute:
- 15:00-15:40: 3A eta 3B
- 15:40-16:25: 3C eta 3D
Ikasturte amaierako argazkiak
Gogoratu, ikasturte amaieran familiei taldeko argazkiak partekatuko zaizkiela; beraz, joan zaitezte dagokien karpetan sartzen 4-5 argazki. Jarraian duzue karpetaren esteka.
Asteko kanta
Ekainaren 3an Ikastola Eguna denez, “Erriola” kanta eta Ikastolako ereserkia entzungo ditugu astean zehar.
IKASTOLA MAILAKOAK
Autoebaluazioa: galdetegia betetzeko epea
Gogoratu autoebaluazio-inprimakia betetzeko epea maiatzaren 31n bukatuko dela. Langile denek bete behar dugu. Langile atarian duzue inprimakia; goialdean ezkerrean, karpeta eta arkatza azaltzen diren botoi borobilean.
Autoebaluazioaren helburua etengabeko hobekuntza da, eta beraz, langilearen garapena sustatzea. Horrez gain, hurrengo ikasturterako prestakuntza planaren oinarria ere izango da.
Ikastola Eguna 2023: egitaraua
Ekainaren 3an ospatuko dugun Ikastola Egunaren egitaraua ondu du festa antolatzen ari den lantaldeak. Langile atarian duzue ikusgai egitaraua, baita egunean bertan boluntario lanetan aritzeko izena emateko inprimakia eta Erriola ikuskizunean parte hartzekoa ere.
Ikastola Eguna antolatzen ari den lantaldeak ondorengo oharren berri eman digu:
- Norberak bere edalontzia. Pasa den astean aurreratu bezala, iaz egin gisan, norberak bere edalontzia ekartzea gomendatzen da. Salgai ere egongo dira 1€ren truke. Baserrian edaria erosteko aukera egongo da.
- Añabitarte, zaindu behar dugun inguru paregabea. Gure inguru paregabea ahalik eta garbien eta ondoen zaintzea guztion ardura izango da.
- Garraio-zerbitzua eta Tknika-ko aparkalekua: Ohi bezala, Ikastolak garraio-zerbitzua jarriko du Añabitartera igo eta bueltan herrira jaisteko, eta hori erabiltzeko gomendioa egiten du. Hainbatek kotxez igotzeko asmoa izango duzue. Hala bada, jakizue Ikastolaren inguruan eta Tknika-ko aparkalekuan (18:00ak arte) autoa uzteko aukera egongo dela.
- Euria egingo balu, aldaketak egon daitezke egitarauan.
ETAPA ARTEKOAK
LH6 | Plastika gelatik herriko jaietako kartel lehiaketara
Plastikako gelatik herriko jaietako kartel lehiaketara. Bide horixe egin dute LH 6. mailako ikasleen lanek. Nola? “Madalenetako kartelen” proiektua landu dute plastika gaian. Urtarrilean ekin zioten lanari eta, orain, udaletxeak antolatzen duen herriko jaien kartel lehiaketara aurkeztutako lanen artetik aukeratutako berrogeita hamar kartelen artean daude Ikastolako hamahiru ikaslerenak, Xenpelar etxean ikusgai den erakusketan. Hortik aterako dira 2023ko Madalenetako kartelak (kategoria orokorrean eta haurrenean); baita herritarren saria jasoko duena ere, herritarrek beraiek emandako botoekin hautatuko dena.
Xenpelar Etxeko erakusketa ekainaren 3ra arte egongo da zabalik hala nahi duen herritar orok bisita dezan. Gustu baduzue, hortxe proposamena: ikusi lanak eta eman botoa gehien atsegin duzuenari! Zorterik onena opa diegu Ikastolako ikasleen lanei!
Ezagutu LH6ko ikasleen Madalenetako kartelen lan-prozesuaren nondik norakoak langile atarian (albisteen sailean).
BESTELAKOAK
EHIk jaso du 2023ko Ibilbideari Elkar Saria
Atzo banatu ziren Elkar argitaletxearen Adunako egoitza nagusian 2023ko Elkar Sariak. Eusko Ikaskuntzak (Proiektuari Saria) eta Ikastolen Elkarteak (Ibilbideari Saria) jaso dituzte aurtengo sariak.
Ibilbidea Sariarekin, Elkar fundazioak Ikastolek egindako bide luzeari eta Euskal Herria euskalduntzeko bidean burututako ekarpen handiari egin nahi izan die aitortza. Irakurri hemen albistea.
