Etapa mailakoak
Klaustroa
Azaroaren 3an klaustroa izango dugu, 13:30ean. Hauxe da gai zerrenda:
- Ildo pedagogikoaren inguruko informazioa.
- Orientazio departamendua. Tutoretza plana.
- Familia laguna. Udaletxeko langileek proiektuaren gaineko informazioa emango dute.
Hurrengo klaustroa abenduaren 1ean izango da.
Etapako afaria
Abenduaren 2an etapako afaria antolatuko dugu. Animatu eta eman izena kafe gelako zerrendan!
Gure gaztetxoak, itzultzaile handiak
Udaleko Hezkuntza mahaiak antolatzen dituen ekimenen artean, “Gure gaztetxoak, itzultzaile handiak” izeneko tailerrean parte hartuko dute LH6. mailako ikasleek. Hauexek dira datak eta ordutegia:
- Azaroak 29:
- 9:15-10:45 -6A tailerra
- 9:15-10:45 -6B liburutegira bisita
- 11:00-12:30 -6B tailerra
- 11:00-12:30 -6A liburutegira bisita
- Azaroak 30:
- 9:15-10:45 -6C tailerra
- 9:15-10:45 -6D liburutegira bisita
- 11:00-12:30 -6D tailerra
- 11:00-12:30 -6C liburutegira bisita
Lekuonara jaisteko autobusa 9:00etan hartuko dute ikasleek; eta ikastolara itzultzekoa, 12:40ean Niessengo geltokian.
Lan-erregistroa
Gogoratu, hilabete bukaera denez, lan erregistroaren fitxa betetzea eta zikloko koordinatzaileari ematea.
Asteko kanta
Errigorak antolatzen duen “Euskarari Puzka” kanpainan murgilduta gaudenez, Ene Kantak-ek sortutako “Lurretik ahora Errigoran” kanta entzungo dugu aste honetan.
Ikastola mailakoak
Kilometroak 23: aurkezpen ekitaldia eta dendaren irekiera
Urriaren 5ean, Irakasleen Nazioarteko Egunean, azaroaren 4an (19:00etan, Lekuona Fabrikan) egingo den Kilometroak 23ren aurkezpen ekitaldirako gonbidapena jaso genuen.
Orain, edukiera kontuengatik, ekitaldira joango zaretenen baieztapena behar dugu. Horretarako, sartu sarrerak.errenteria.eus webgunean eta hartu gonbidapen “ofizialak” bertatik. Urriaren 31tik aurrera egongo dira eskuragarri.
DBHko ikasle eta irakasle talde batek propio egokierarako sortutako ipuina oinarri, Ikastolako ikasle, langile, familia eta komunitateko hainbat kidek herriko zenbait eragilerekin elkarlanean ondutako zuzeneko ikus-entzunezko ikuskizuna izango da Kilometroak 23ren aurkezpen-ekitaldia; 40 bat minutuko iraupena izango duena.
Festaren leloa, irudia, helburuak eta asmoak ezagutuko ditugu ekitaldian.
Gogoratu, urriaren 5ean jasotako gonbidapenak Kilometroen dendan opari bat izango dugula ere esaten duela. Azaroaren 5ean irekiko da denda eta urriaren 5eko kupoia beharko da oparia jasotzeko.
Artezkaritza Kontseilua: urriko bileraren deskargua
Asteazkenean, urriaren 26an, izan genuen Artezkaritza Kontseiluaren urriko bilera. Hemen duzue laburpena.
Ikastola prentsan
Gau Beltza: Herribizia | Noticias de Gipuzkoa | Diario Vasco
Bestelakoak
Errigora: Udazkeneko kanpaina 2022
Martxan da Errigorako udazkeneko “Euskarari Puzka” kanpaina. Azaroaren 10era arteko epea dago saskiak eskatzeko. Langile atarian topatuko dituzue xehetasunak eta eskaerak egiteko aukera.
Errigoraren helburua elikadura burujabetza eta euskara hauspotzea da. Horri jarraiki, aurten ere, saskietatik lortutako diruaren %25a Agerraldia indartzeko eta Nafarroa erdialdeko eta hegoaldeko euskalgintza laguntzeko erabiliko da; tartean, bertako Ikastolei laguntzeko. Anima zaitezte kanpainan parte hartzera eta zuen ekarpena egitera!
Euskaraldia: euskaldunen ahalduntze eskola, Lau Haizetara elkartearen eskutik
Lau Haizetara Euskaldunon Elkarteak euskaldunak ahalduntzeko eskola antolatu du, urritik abendura. Ahaldundu, prestatu eta esperientziak partekatzeko eskola da, parekoari euskaraz egitean egoera deserosoak gaintzen laguntzeko asmoz. Hemen xehetasun gehiago eta izena emateko aukera.
Pantailaldia: astebetez euskarazko ikus-entzunezkoak sustatzeko ariketa kolektiboa
Euskaraldiaren testuinguruan eta euskalgintzako hainbat eragileren babesarekin, Pantailak Euskaraz taldeak Pantailaldia antolatu du, azaroaren 11tik 18ra euskarazko ikus-entzunezkoak sustatzeko egingo den ariketa. Parte-hartzaileek euskarazko ikus-entzunezkoak kontsumitu edota sortzeko konpromisoa hartuko dute. Helburua kontsumoa eta sormena sustatzea eta, bide batez, dauden hutsuneak azaleratzea da. Hemen, xehetasun gehiago; eta hemen, izena emateko aukera.
Hainbat lotura interesgarri
EAEko Hezkuntza Legea: azken egunetako hainbat erreakzio
