2025eko Kilometroak festa urriaren 5ean ospatuko da Elgoibarren, hango Ikastolak antolatuta eta “Salt-saltoka” lemapean. Orereta Ikastolak hara joateko autobusa antolatu du, Elgoibarko eta Gipuzkoako Ikastolek guztion babesa eta ekarpena zinez eskertuko baitute.
Autobusa Niessengo geltokitik (Donostiako noranzkoan) aterako da goizeko 9:00etan eta 19:00etan abiatuko da Elgoibartik bueltan herrira. 13€ (helduak) eta 10€ (adin txikikoak) kostako da joan-etorria.
Orereta Ikastolaren Esmalteriako (15:30-17:30) eta Añabitarteko (08:00-13:30/14:00-16:30) bulegoan daude salgai Kilometroetara Ikastolak antolatutako autobusean joateko tiketak.
