2023ko Herri Urrats festa maiatzaren 14an ospatuko da Senpereko lakuan, “Urratsak zubi” lemapean. Orereta Ikastolak hara joateko autobusa antolatzeko asmoa du, Ipar Euskal Herriko Ikastolek guztion babesa eta ekarpena zinez eskertuko baitute.
Autobusa Iztietako geltokitik aterako da goizeko 9:00etan eta 19:00etan abiatuko da Senperetik bueltan herrira. 13€ (helduak) eta 8€ (adin txikikoak) kostako da joan-etorria.
Autobus-zerbitzua jarri ahal izateko beharrezkoa du Orereta Ikastolak zenbat jendek erabiliko lukeen jakitea. Herri Urratsera Orereta Ikastolak antolatutako autobusean joan nahi izanez gero, bete, mesedez, beheko inprimakia. Datorren maiatzaren 9a da horretarako azken eguna.
Ondoren, jasotako eskaera-kopuruaren arabera autobus zerbitzua jarriko balitz, Orereta Ikastola zuzenean jarriko da harremanetan izena eman dutenekin.
