Orain bi urte hasitako bideari jarraiki, Euskal Olinpiaden hirugarren edizioa egingo dute Haurtzaro eta Orereta ikastoletako DBH 4. mailako ikasleek eta Oiartzoko 1. mailakoek elkarrekin, hiru ikastolen arteko harremanak eta loturak estutzeko helburuarekin. Hiru ikastoletako ikasle eta irakasleak aritzen dira elkarlanean aurretiazko prestaketa lanetan, baita eguna bera nahi eta espero bezala ateratzeko lanean ere.
