ORERETA IKASTOLA KOOP. E.
2024KO OHIKO BATZAR NAGUSIRAKO DEIALDIA
ORERETA IKASTOLA KOOPERATIBA ELKARTEAren Artezkaritza Kontseiluaren izenean, bertako lehendakariak jakinarazten du datorren otsailaren 28an, asteazkena, Linoko egoitzan (Santa Klara kalea, 7) 2024ko Ohiko Batzar Nagusia egingo dela; 17:30ean lehen deialdian, 18:00etan bigarrenean eta 18:30ean hirugarrenean.
GAI-ZERRENDA:
- Batzar-akta onesteko bi bazkideren izendapena.
- Aurreko Urteko Ohiko Batzar Nagusiaren aktaren onespen-txostenaren berrespena.
- Heziketaren kudeaketari buruzko txostenaren aurkezpena.
- Kilometroak 23 ekimenaren balorazioa.
- Ikastolaren Linoko eraikineko obraren onarpena eta mailegua eskatzeko baimena, hala badagokio.
- Estatutuen aldaketa, hala badagokio, bikoteari botoa eskuordetu ahal izateko (24. artikulua).
- 2022-2023 ekitaldiko kudeaketa soziala eta urteko kontuen onarpena, hala badagokio. Emaitzen aplikazioa.
- Tarifak berrikusteko proposamena eta hala badagokio, onarpena.
- Artezkaritza Kontseiluko eta Zaintza Batzordeko kide berrien onarpena, hala badagokio.
- Egungo egoeraz eta etorkizunaz dugun ikuspegia.
- Galde-eskeak.
Orereta-Errenterian, 2024ko otsailaren 12an
ORERETA IKASTOLA KOOP.E.
Itziar Navarro Pikabea | Lehendakaria
OHARRAK:
- Bazkide guztiek izango dute Ikastolaren webgunean eskuragarri 2024ko otsailaren 22tik aurrera 2022-23 ekitaldiko kontuen txostena, baita gai-zerrendan proposatutako estatutu-aldaketaren txosten justifikagarria ere.
- Bazkideek soilik parte hartu ahal izango dute Batzar Nagusian.
- Batzarrera sartzeko, derrigorrezkoa izango da identifikazio-dokumenturen bat aurkeztea.
- Estatutuen 24.3 artikuluak araututakoaren arabera (legearekin bat etorriz), bazkide bat bere eta beste bi bazkideren ordezkari izango da, gehienez ere.
