DBHko proba ebaluagarrien berrikuspen eta kopia eskaeren, eta barne-erreklamazioaren prozedura

Berrikuspen-prozedura

· Nork? Ikasleek edota beren legezko ordezkariek (gurasoak edo tutore legalak)

· Nola? Inprimaki hau betez. Ikasleko eskaera bat egin behar da (ikasle bakoitzaren kasuan, hala dagokien irakasgai guztietako proben berrikuspenak inprimaki bat eta bakarrean eskatu behar dira).

· Noiz? Inikan notak argitaratu eta hurrengo bi eskola-egunen barruan. Behin epe hori pasata, tutorea jarriko da eskatzailearekin harremanetan eguna, lekua eta ordua zehazteko.

Kopiak eskatzeko prozedura

Eskatu proben kopiak

ESKAERA PROZEDURA
********************************

· Nork? Ikaslearen gurasoek edo legezko tutoreek (ikasleek ezin dute eskaera hau egin)

· Nola? Inprimaki hau betez. Ikasleko eskaera bat egin behar da (ikasle bakoitzaren kasuan, hala dagokien irakasgai guztietako proben kopiak inprimaki bat eta bakarrean eskatu behar dira). Eskabidean eskaera justifikatu eta zehatza egin behar da, eskaera orokorrak ezin dira egin.

· Noiz? Inikan notak argitaratu eta hurrengo bi eskola-egunen barruan.

JASOTZE PROZEDURA
********************************

· Nork? Kopien eskaera egin duenak

· Nola? Etapako zuzendaritzan, jasotze-orria sinatuz.

· Noiz? Eskaera egin eta gero, bost eskola-eguneko epearen ostean.

· Ohar garrantzitsua: Proben egiletza intelektuala probak diseinatu dituzten irakasleena da, eta beraz, ezin izango zaizkie kopia horiek hirugarren pertsonei eman, eta ezin izango dira atera eskatzen dituztenen familia-unitatearen eremutik. Eskabidea sinatuta eta frogak jasota, sinatzaileak erregelamenduko puntu hau onartzen du.

Erreklamazio-prozedura

AZKEN KALIFIKAZIOEN KONTRAKO BARNE-ERREKLAMAZIOEN PROZEDURA
********************************

· Nork? Gurasoek edo legezko tutoreek

· Nola? Idazki arrazoitua Ikastolako zuzendaritzari helaraziz e-mailez.

· Noiz? Bi laneguneko epean, kalifikazioak INIKA bidez jakinarazten direnetik hasita.

Ezohiko bilera egingo da ebaluazioaren eta kalifikazioaren inguruan eztabaidatzeko, eta ebazpen-proposamena txosten batean jasoko da. Erreklamaziorako epea amaitu eta bi laguneko epean txostena zuzendari pedagogikoari igorriko zaio. Txosten horren berri egun bateko epean emango zaio erreklamatzaileari.

MAILAZ IGAROTZEARI EDO TITULAZIOA ESKURATZEARI BURUZKO ERABAKIAREN KONTRAKO BARNE ERREKLAMAZIOEN PROZEDURA
********************************

· Nork? Gurasoek edo legezko tutoreek

· Nola? Idazki arrazoitua Ikastolako zuzendaritzari helaraziz e-mailez.

· Noiz? Bi laneguneko epean, mailaz ez igarotzeko edo titulazioa ez eskuratzeko erabakiaren berri idatziz jakinarazten denetik hasita.

Zuzendari pedagogikoak dagokion tutoreari helaraziko dio eskaera. Azken honek ezohiko bilera batera deituko du irakasle taldea eta azken erabakiarekin txosten arrazoitua egingo du. Erreklamaziorako epea amaitu eta bi laguneko epean txostena zuzendari pedagogikoari igorriko zaio. Txosten honen berri egun bateko epean emango zaio erreklamatzaileari.