Prestakuntza: eskaintza osoa

Ikastolako langileentzako prestakuntza-eskaintzaren bilduma duzu honakoa. Hemen ez dagoen zerbaiten bila bazabiltza, bete inprimaki hau egin nahi duzun horren berri emanez. Saiatuko gara zure nahiak eta interesak asetzen.

• EdCamp Larramendi ekitaldia

  Larramendi ikastolak apirilaren 27an edcamplarramendi hezkuntza profesionalentzako ekitaldi berezi antolatu du.

  Zer da EdCamp bat?

  Doako hezkuntza profesionalentzako topaketa ireki bat da, hezkuntzari buruz  ditugun ikaskuntzak, esperientziak, kezkak eta grinak partekatzeko.

  Berdinen arteko ikaskuntzan oinarritzen da, beraz, ez dago aldez aurretik definitutako programarik, parte-hartzaileak dira programa elkarrekin eraikitzen dituztenak interesatzen zaizkien gaietan zentratuz.

  Informazio gehiagorako  genially hau prestatu dute, eta bertan edcamp baten funtzionamendua ulertzeko informazioa eta bideoak topatuko dituzue. Baita izena emateko aukera ere.

  Hala ere, zalantzak argitzeko, hezkuntzaarduraduna@larramendi-ikastola.net helbidera idazteko aukera dago.

• Gipuzkoako Bazkundearen ikastaroak

  Gipuzkoako Bazkundeak antolatuko dituen zenbait ikastaro interesgarriren estekak dituzue hemen. Komunikazioa, harremanak eta ongizatea bezalako gaiak lantzen dituzten prestakuntzak dira.

  • Hobetu PNLrekiko komunikazioa (on-line). Apirilaren 17an.
  • Eraginkortasunez eta pertsuasioz komunikatzea: jendaurrean hitz egitea eta aurkezpen profesionalak egitea. Maiatzaren 9 eta 13an.
  • Harermanetarako mindfulness, erakundeetan gizarte-ongizatea hobetzeko modu bat. Maiatzaren 9, 16, 23 eta 30ean.
  • Eragin handiko oratoria. Maiatzaren 29an.

• Gatazkak kudeatzea eta konpontzea

  Euskalit Kudeaketa Aurreratuak, gatazkak kudeatzeko eta konpontzeko ikastaroa antolatu du.

  Helburua, gatazkak kudeatzeko tresnak ezagutzea eta enpresan aplikazio praktikoa egitea da.

  Gai zerrenda:

  • Gatazkari buruzko pertzepzioa. Beti heldu behar zaio? Nire mapa zabaltzen.
  • Gatazkak konpontzeko prozesua. Egitura eta elementuak.
  • Egoera konplexuak kudeatzeko trebetasun pertsonalak eta pertsonen artekoak.
  • Komunikazioa, erasorik ez egiteko eta konektatzeko tresana indartsua.

  Ikastaroa online izango da eta hiru saiotan banatua (apirilaren 17an, maiatzaren 2an eta maiatzaren 17an).

  Ikastaroari buruz gehiago ezagutzeko eta izena emateko sartu esteka honetan.

• UEUko Udaberriko Ikastaroak

  UEUk (Udako Euskal Unibertsitateak) Udaberriko Ikastaroak prest ditu.

  Hauek dira antolatu dituen ikastaro eta jardunaldietako batzuk:

  • Gatazkak ulertu eta eraldatzeko gakoak. 2024ko apirilaren 20tik maiatzaren 4ra.

  Izena emateko epea irekita dago, beraz, interesa izanez gero egin klik ikastaroaren gainean eta bertan aurkituko dituzu xehetasun guztiak, baita matrikulatzeko aukera ere.

  Eskaintza osoa ikusteko sartu hemen.

• FIT erakundearen formakuntza eskaintza

  FIT erakundeak online ikastaroak antolatu ditu. Hemen duzue eskaintza osoa.

   

• Ikastolen Elkarteko prestakuntza eskaintza

  Ikastola ereduak suposatzen duen urtez urteko prestakuntza eskaintzea da Ikastolen Elkarteko xedea.

  Hemen duzue ikasturte honetarako antolatutako prestakuntzen eskaintza eguneratua.