Sarrerak otsailaren 14an, 18:00etan, jarriko dira salgai 20€an sarrerak.errenteria.eus webgunean eta Lekuona Fabrikako leihatilan.
Jon Maia Soria bertsolaria urteotan hainbat talde eta abeslariren letragilea ere izan da, eta kantu horien bidez bidaia bat proposatzen du “Kantu bat gara” ikuskizunean. Euskal kulturaren, historiaren, eta identitatearen ikuspegi berezi bat bilatzen du aurkezten duen kantutegiarekin. Kilometroak 23k landuko dituen hainbat gaiari propio erreparatuko dio Jon Maiak ikuskizunean, eta aparteko izaera emango dio horrek emanaldiari.
