Orereta Ikastola gurasoentzako eskolak antolatzen ari da. Urtarriletik martxora bitartean egindako lau saioen ostean, maiatzean egingo da hurrengoa: sexu aniztasunaren gaia landu eta hartaz hausnartzekoa, hain justu. Seme-alabak DBHn dituzten familientzako izango da, Gehitu elkarteko hezitzaileek gidatuta.
HELBURUAK
- Desira erotikoaren aniztasuna positiboki ulertzen eta errespetatzen ikastea.
- Lesbiana, gay, transexualen eta bisexualen estereotipo eta aurreiritzien inguruko hausnarketa autonomoa eta (auto)kritikoa bultzatzea.
- Elkarbizitza eta berdintasuna sexu dibertsitatearen esparrutik lantzea.
- Familiei beren seme-alaben errealitatearen informazioa eskaintzea eta gaiarekiko jarraibideak ematea.
EDUKIA
- Sexuak, sexualitateak, harremanak eta sexu orientazioa.
- Lesbiana, gay eta transexualenganako bullying-a eta bazterkeria.
- Maskulinitate eta feminitatearen espresio eta eredu desberdinak.
- Normaltasuna, aniztasuna, onarpena eta autoestimua.
- Sexu aniztasuna eta kulturartekotasuna, adinekoak eta urritasunak dituzten pertsonak…
Saioetan parte har dezaketen pertsonen kopurua mugatua delako eta ikastaroa prestatzeko ere lagungarria delako, ezinbestekoa da aurrez izena ematea. Beraz, saioetan parte hartu nahi izanez gero, bete beheko inprimakia. Ikastaroaren egunaren bezperan itxiko da izena emateko epea.
