HIZKUNTZAK

Baserriko lan-taldeko kideok Baserria erabili ahal izateko baldintzak eta prozedurak aldatu ditugu erabiltzaileen erosotasuna eta elkartearen kudeaketa errazteko helburuarekin.

Aldaketa nagusiak:

  • Mahaien erreserba internet bidez edo Baserriko ordenagailutik bakarrik egin beharko da ekainaren 15etik aurrera. Egun honetatik aurrera, Idazkaritzan ezingo da mahairik erreserbatu.

Programa honetan bertan sartu ahal izateko eta bazkide perfila sortzeko, bazkide bakoitzaren datuak behar ditugu. Dakizuen bezala ikastolako bazkidetza familia da, eta hortaz, bazkidearen bikotea bazkide bat gehiago izan daiteke Baserrian ere. Hori posible izateko (bikotea Baserrira bazkidea gabe joan ahal izateko) bere datuak ere behar ditugu.

  • Baserria erabiltzeko bazkide bakoitzak bere txartel (giltza) propioa izango du. Giltza-txartel hau eskuratu ahal izateko, 60 €tako fidantza ordaindu beharko du transferentzia bidez bazkideak, eta txartela ez du itzuli beharko bazkideak baja eman arte. Ordainketa ondorengo kontu zenbakian egin beharko da, eta agiria eskaerarekin batera lehen zehaztutako inprimakiaren bitartez bidali.

Laboral Kutxa ES96 3035 0011 21 0110143910
Titularra: Orereta Ikastola

  • Kontsumo-orriak ordenagailu bidez bete beharko dira (ez paperean orain arte bezala).
  • Kontsumoak eskudirutan edo transferentzia bidez ordaindu ahal izango dira.

Datu pertsonalak eman eta txartelari dagokion transferentzia egin ostean, Baserriko lan-taldea Bazkidearekin harremanetan jarriko gara erreserba egiteko programaren eta txartelaren inguruko informazioa emateko. Ekainaren 14 arte txartel anonimoak (orain arte erabili direnak) Idazkaritzan jasotzeko aukera izango da, eta horiek itzultzeko azken eguna ekainaren 30a izango da. Bueltatu ez dutenek 5 €tako fidantza galduko dute. Ekainaren azken egun honetan, giltza anonimoak desaktibatu egingo dira.