ETAPA MAILAKOAK
MILA KILO ZORION!
Mila kilo zorion
dizugu eskaintzen,
beste urte berri bat
duzulako hasten.
Baietz asmatu zenbat
dituzun betetzen,
zergatik ez ditugu
txaloka kontatzen?
- 12: Alaitz Lete
- 13: Oihana Latasa
- 16: Amaia Olaso
Asteko ekintzak: ikus Calendar
- LH: GH eta Ingeleseko mintegiak
- LH: 2. Busti! saioa eta Tanta berria
- LH6: Gureak bisita
- LH1: Aizpitarteko lagunak
- LH3A-B: Alvaroren behaketa
- LH2: Baso eskola
Aizpitarteko lagunak
LH 1. mailako ikasleek “Aizpitarteko lagunak” ekimena izango dute datorren otsailaren 13an. Hori dela eta, beheko futbol zelai handia eta baserria erabiliko dute. Eguraldi txarra eginez gero, beheko eremua ere erabiliko dute. Ekimen honen ordutegia 9:00etatik 11:00etara artekoa izango da.
Asteko kronika BELTZA!!!
DENA ONDO
Asteko kanta
Inauteriak gainean ditugunez, datorren astean zehar Ene Kantak-en Inauteriak abestia entzungo dugu.
IKASTOLA MAILAKOAK
Hezkuntza Sailetik eskaera: soldata-parekatzearen justifikazioa
Ikastolak soldatak parekatzeko jasotako ordainketak justifikatzea eskatu du Hezkuntza Sailak. Horretarako, besteak beste, langileek parekatzerako ezohiko transferentzia jaso dutela ziurtatu behar dute dokumentu bat sinatuz. Sinatu beharreko dokumentu hori etapetako zuzendaritza-taldeak edo saileko arduradunak izango du eta beren bulegotik pasa behar da sinatzera segidako egunetan:
- DBH: otsailak 10 eta 11
- LH: otsailak 12 eta 13
- HH: otsailak 14 eta 17
- Zerbitzuak: otsailaren 19tik aurrera
Oiartzoko patronatua: urtarrileko bileraren deskargua
Urtarrilaren 30ean egin zen Oiartzoko patronatuaren ikasturte honetako bigarren bilera. Langile atarian duzue laburpena (gainaldean ezkerraldean dauden ikono-zerrendako “organoetako aktak” atalean).
Blaitu – Euskaraz Bizi | Ikasturteko bigarren Busti! saioa eta laugarren Tanta
BUSTI! SAIOA
Astelehenetik aurrera, ikasturte honetako 2. Busti! saioa ikusgai izango da Blaitu Klubaren atarian. Geletan lantzeko unitate didaktikoa ere eskura duzue. Gogoratu, unitate didaktikoa nahieran erabil dezakezuela adinaren baitako egokitzapenak eginez. (LHn komunitate proiektuan landuko da).
TANTA BERRIA
Blaitu Klubeko 2. denboraldiko laugarren Tanta ere astelehenetik aurrera ikusgai izango duzue. DBHko gazteek asteburuetarako plan bikaina proposatu digute: Zuberoako maskaradak. Ziur ez zaretela aspertuko! Sartu Blaitu Klubaren atarian eta ikus ezazue!
Blaitu mingainak eta busti euskaraz!
Eskerrik asko!
Zubiak Eraikiz: elkartrukeak eta Berako Labiaga Ikastolakoen bisita
Ipar Euskal Herriko lagunentzako marrazkiak, mezuak, gutunak, ipuinak… egiten aritu dira azken asteetan HHn eta LHn. Aste honetan jaso dituzte Zubiak Eraikiz-eko arduradunek Ipar Euskal Herrira bidean jartzeko.
Bestalde, Berako Labiaga Ikastolako DBH 2. mailako ikasleak gurean izan dira aste honetan. Topaketa egin dute gure Ikastolako DBH 2. mailako hainbat ikaslerekin.
Matrikula-jaitsierari, kontzertazioei eta finantziazioari buruzko datu eta zifra eguneratuak langile atarian
Klaustroetan eta berariaz zerbitzuetako langileekin ere matrikulazio-jaitsierak Eusko Jaurlaritzak esleitutako kontzertazioetan eta finantziazioan duen eraginari buruzkoak azaltzeko bilerak eginda, langile atarian (informazio praktikoaren atalean) duzue informazio eguneratua eskura hala behar edota nahi duzuenerako.
Esaiozu instituzionala, Ikastolaren aintzatespen-plana
Aintzatespen eta eskertzen bidean aurrerapauso bat gehiago egiteko asmoz, Esaiozu instituzionala martxan da. Ikastolako zuzendaritza-taldeak egingo ditu Esaiozu instituzionalak, izan langile jakinei edota lantaldeei. Irizpide batzuk jarraituz egingo dira Esaiozu instituzionalak. Langile atariko Esaiozuren atalean dituzue ikusgai aipatu irizpide horiek.
ETAPA ARTEKOAK
HH | Zumaiena ikastetxeko ordezkarien bisita Lino Berrira
Zumaiako Zumaiena ikastetxeko ordezkariak Lino Berria ezagutzen izan dira aste honetan.
DBH | Autoproiektatu! tailerra: zura, zerra… eta horrekin zer?
DBH 4. mailako zenbait ikasle Autoproiektatu! tailerrean jardun dira buru-belarri lanean. Hainbat saioko jarduera horretan, eskola-ingurunearen gaineko hausnarketa eta osteko interbentzioa egitea xede, ikasleak elementu higigarriak diseinatzen eta fabrikatzen aritu dira, beren sormena, pentsamendu kritikoa eta bakarkako zein taldeko lana sustatuz. Emaitza? dominadak egiteko barra, esekitokiak, eserleku tolesgarriak eta motxilak gordetzeko ere balio duen bankua. Irakurri ikasleek beraiek idatzitako proiektuaren egunerokoa langile atarian (albisteen atalean).
BESTELAKOAK
Ikastolen Elkartea arduratu da Euskaraldiko unitate didaktikoak sortzeaz
Aste honetan aurkeztu dira Lekuona Fabrikan maiatzaren 15etik 25era martxan izango den Euskaraldiko unitate didaktikoak. Ikastolen Elkartea arduratu da unitate didaktiko horiek egiteaz: Altxa (3 eta 9 urte arteko umeentzat), Dantza (9 eta 12 adin tartekoentzat) eta Jalgi (nerabeentzat). Unitate didaktiko horiek Euskal Herri osoko hezkuntza eragile guztiek izango dituzte eskuragarri. Irakurri albistea osorik, hemen.
Hainbat artikulu interesgarri
- Errepikatu eta errepikatu, egia bilakatu (Aritz Labiano Zezeaga, Berria)
- Kuotak, euskal hezkuntzan (Ricardo Arana, Berria) (Kuotak, ikastoletan, Nekane Artola eta Agurne Barrusoren iritzi artikuluari erantzunez
