Etapa mailakoak
Eguerdiko tailerrak
Gogoratu, datorren urriaren 4an eguerdiko tailerrak hasiko direla.
Esmalteriako lasai gunea
Datorren astean, Esmalteriako 3 urtekoan lasai gunea martxan jarriko dugu.
Frogagiriak
Hemendik aurrera, eskatutako baimenen frogagiriak eskuz eman beharrean, langile ataritik kudeatuko ditugu.
Praktiketako ikasleak
Urrian praktiketako 3 ikasle izango ditugu gure artean, bat Haur Eskolan eta beste biak bi urteko geletan.
Ikastola mailakoak
Urriak 3: Kilometroak 2023ren lehen eguna
Aste honetan Ikastolako lehendakariaren mezua jaso dugu igandean Ibarran ospatuko den Kilometroak jaian parte hartzeko gonbidapen bereziarekin. Jaia bizitzera, barrutik begiratzen hastera eta gure bidearen lehen egun gisa hartzera gonbidatu gaitu.
Horri jarraiki, gogoratu astelehenean (urriaren 3an) ikasleekin Kilometroak gaia lantzekotan geratu ginela, etapa bakoitzak bere modura eta haurren adinera egokituta.
Iraileko Artezkaritza Kontseilua: deskargua
Hemen duzue Artezkaritza Kontseiluaren ikasturteko lehen bileraren laburpena.
Urriak 12: ongietorri festa
Datorren urriaren 12an, arratsaldez, ikasturteari ongietorria egiteko festa ospatuko dugu. 2019an egin genuen lehenengoz, eta pandemia tarteko, aurten ospatuko dugu bigarrenez. Datorren astean emango dizkizuegu jaiari buruzko xehetasun gehiago.
Ikastola prentsan
Berrikuntza eta erronkaz beteta hasi dute ikasturtea Orereta Ikastolak eta Oiartzok
