ETAPA MAILAKOAK
0 ebaluazioa
Datorren asteko astelehen eta asteartean hasierako ebaluazio saioak ditugu. Saio hauen helburua, gelako dinamika zein den ezagutzearekin eta ikasleak orokorrean nola hasi duten ikasturtea zehaztearekin batera, beharrezkoa den kasuetan erabakiak hartzea da.
Bilera hauen dinamika zehazteko akta eredua partekatu da calendarraren bitartez. Horrekin batera, saioak ez luzatzeko asmoz, ondorengo argibideak zehaztu ditugu:
- Gelako dinamika aurrera eramatea eragozten duten jarreren aurrean erabaki orokorrak zehaztuko dira.
- Ikasleren bat, funtsezko konpetentziak erreferentzia izanik, konpetentzia espezifikoen lorpen mailatik urruti hauteman badugu, ikaslearekin egingo den esku-hartzea zehaztuko da.
- Egoera emozionalari lotutako bideraketa proposamen berriak zehaztuko dira.
- Jarrera desegokiarekin lotutako proposamen berriak zehaztuko dira.
Gogoratu ebaluazio saioan hartutako erabakiak JJPan txertatu behar direla.
Mila esker.
Berrikuntza: “0 ebaluazioa” bilera burutu osterako ohar garrantzitsuak
Bilera amaitutakoan tutoreak (dagoen kasuetan kotutorearekin batera) TALDEKATZEAK proposatu beharko ditu. Hona hemen kontuan hartu beharrekoak:
- Heterogeneoak izan daitezela.
- Laukoteak osatu, ahal den neurrian. Hirukoteak hobeto, boskoteak baino.
- Arloetako hainbat irakaslerekin kontrastea egin ostean, hurrengo TUToretzan, hau da, urriaren 14an, jakinaraziko diegu ikasleei.
Bestelako xehetasunak TUTore bileran emango dizkizuegu.
Berrikuntza: testu generoen lanketa
Berrikuntzako ikastaroan (Saioka) ikusgai duzue Hizprotik egindako testu generoen lanketa (mapa orokorra, txantiloia eta errubrikak). Eskerrik asko Hizpro!
Asteazkenetako zigortuen kudeaketa
Asteazkenetako zigortuen kudeaketa ohiko moduan egingo dugu, ikasleekin 14:00- 15:00 bitarte egongo gara.
Neurri zuzentzaile bat jartzen dugunean, ikasleari Ikastolan geratzea dagokion asteko dokumentua osatu, mesedez. Aste bakoitzari dagokion dokumentuaren esteka asteazkenero izango duzue Calendarreko hitzorduan. Modu horretan, irakasle arduradunak eskura izango du zaindu beharreko ikasleen zerrenda eta bertaratzea kontrolatuko du.
Aste bakoitzeko arduradunen zerrenda irakasle geletan duzue ikusgai.
Mila esker!
Lanaldien erregistrorako kodeak
Lanaldien erregistroetarako kodeak irakasle geletan dituzue ikusgai. Zerrenda berritu eta egokitu dugu, beraz, egiaztatu ezazue zuen kodea, mesedez. Eskerrik asko!
Calendarrari lotutakoak
IRAKASLEAK
- 0 ebaluazioa: Astelehen eta asteartean 0 ebaluazioko bilerak ditugu.
- Guraso bilera orokorrak: Astelehenean DBH1-2ko eta asteartean DBH3-4ko gurasoak jasoko ditugu.
- 0 ebaluazioko jakinarazpenak: Asteazkenean tutoreek familiei 0 ebaluazioaren berri emateko jakinarazpenak bidaltzeko tartea izango dute.
IKASTOLA MAILAKOAK
Urriak 5: Irakasleen Nazioarteko Eguna
Azken urteetako ohiturari jarraiki, aurten ere egingo diogu keinu Irakasleen Nazioarteko Egunari. Bihar (larunbata) izango denez, gaur “ospatuko” dugu. Norberak bere eraikineko irakasle edo kafe gelan sorpresa txiki bat du zain. Zerbitzuetako nahiz administrazio eta mantenuko langileak ere pasa ongien datorkizuen lekutik, zuentzako ere bada eta! Irakasleen Nazioarteko Egun on, denei!
Esaiozu bueltan da! (eta geratzeko asmoz dator…)
Orain ikasturte batzuk ekin genion Esaiozu ekimenari. Ezagutu ez zuenarentzako edota gogoratzen ez denarentzako, zer da Esaiozu? Norbait zoriontzea, zenbat lagundu dizun esatea, zuretzako zein garrantzitsua den aipatzea… Eta Esaiozu bat jasotzen baduzu, pertsona berari edo beste norbaiti zuk zerorrek egitea, katea eten ez dadin. Txartel, eskutitz, postal digital moduan egin daiteke.
Ekingo diogu berriro Esaiozuri? Hauspo pixka bat emango diogu? Asmo horrekin, berritasun gisa, batetik, Esaiozu txartel batzuk sortu ditugu, irakasle edota kafe geletan topatuko dituzue; ti-ta batean, nagirik gabe, erraz idatzi eta entregatzekoak (esan gabe doa, norbaitek txartel propio eta pertsonalizatua sortu nahi badu, oso ongi etorria izango dela :). Bestetik, langile atarian Esaiozu txartel digitalak bidaltzeko aukera ere jarri dugu: bete inprimaki bat eta hartzaileak emailez txartel digital polit bat jasoko du.
Animatu! Ziur baduzula zerbait norbaiti esateko; esaiozu!
Urriak 12 – Ikasturteari ongietorri festa: boluntario-eskaera eta egitaraua
Pasa den astean aipatu bezala, hona urriaren 12ko ikasturteari ongietorri festaren egitaraua (langile atarian ere baduzue, gainaldeko azpimarretan).
Gogoratu festa egin ahal izateko boluntarioak behar ditugula. Langileei tabernako txandetarako (16:30-18:30 edota 18:30-20:30) eta festa amaitzean hura desmuntatzeko laguntza eskatzen zaie. Animatzen zaretenok jarri mesedez harremanetan Garazi Otamendirekin (HHko lankidea). Aldez aurretik, eskerrik asko!
Prestakuntza eta jardunaldiak: eskaintza eguneratua
Langile atariko prestakuntzen eta jardunaldien atala eguneratu dugu. Chillida Lekutik irakasleentzako jardunaldirako gonbidapena iritsi zaigu, hori da berritasuna. Museoaren aurtengo ikasturteko programazioa ezagutzeko irakasleentzako jardunaldi bat antolatu dute. Langile atariko prestakuntzen eta jardunaldien atalean topatuko dituzue xehetasun gehiago eta izena emateko aukera.
ETAPA ARTEKOAK
HH-LH-DBH | Blaitu Klubak ekin dio 2024-25 ikasturteari
Iazko lehen denboraldi eta loraldiaren ostean, ikasturte berriarekin batera, Blaitu Kluba hasi da berriz ere motorrak berotzen. Lehen Hezkuntzan, horma-irudi ederra sortu dute ikasle guztien artean eta DBHko eraikina ere koloretako tantez betetzeko asmoa dago. Ikusi LHko horma-irudia eta ezagutu Blaitu Klubaren aurtengo asmo eta helburuak langile atarian (albisteen atalean).
Jarrai dezagun mingainak blaitzen eta euskaraz bustitzen!
