ETAPA MAILAKOAK
Eskolatik Antzokira
Datorren astean, Muna ikuskizuna ikustera joango gara Victoria Eugenia Antzokira. Hemen dituzue saioen egunak:
- Maiatzak 6, astelehena: HH2
- Maiatzak 7, asteartea: HH3
- Maiatzak 9, osteguna: HH5 (5B eta 5C)
- Maiatzak 10, ostirala: HH4 eta HH5 (5A eta 5D)
Oharra: Autobusaren eta saioen ordutegiak apirilaren 12ko asteko oharretan jarri genituen.
Maiatzak 7
Datorren asteartean, Liburutegiaren sortaldea elkartuko da Esmalterian arratsaldeko 16:45ean. Sortaldekoak ez zaretenok ordu osagarriak norberaren lanetarako erabil ditzakezue.
Baso eskola
Eguraldia lagun badugu, maiatzaren 7an eta 9an, HH5eko ikasleekin egun osoko saioa izango dugu basoan.
IKASTOLA MAILAKOAK
Ikasturte amaierako bakarkako bilerak: berrikuntza taldetik proposatutako gida
Ikasturte amaierako bakarkako guraso bilerak laster hasiko ditugu. Gogoratu Ikastolako berrikuntza taldeak bilerak egiteko erreferentziazkoa eta lagungarria den gidoia egina duela. Aintzat hartu eta erabil ezazue.
HIZPRO | Euskaraz Bizi | Blaitu Kluba: maiatzeko kalko okerra
Maiatzean zehar landuko dugun kalko okerra aditzari buruzkoa da, hain zuzen ere, -ten/ari izan erabilerari buruzkoa. Horretarako, eskuragarri duzue DBHko Blaituko kideek egindako bideoa (langile ataritik sartuta, Ikastolako webguneko Blaitu klubeko atarian, Tanten sailean). Saia gaitezen elkarrekin erabilera desegoki hau saihesten.
Herri Urrats 2024: autobusa Ikastolatik
2024ko Herri Urrats festa maiatzaren 12an ospatuko da Senpereko lakuaren bueltan, “Ortzadarra” lemapean. Ikastolak hara joateko autobusa antolatu du, Ipar Euskal Herriko Ikastolek guztion babesa eta ekarpena zinez eskertuko baitute.
Autobusa Linoko geltokitik (Oiartzungo noranzkoan) aterako da goizeko 9:00etan eta 19:00etan abiatuko da Senperetik bueltan herrira. 13€ (helduak) eta 8€ (adin txikikoak) kostako da joan-etorria.
Herri Urratsera Ikastolak antolatutako autobusean joan nahi izanez gero, Esmalteriako bulegotik (15:30-17:30) pasa zaitezkete tiketak erostera. Erosoagoa bazaizue, eskatu etapako zuzendaritza-taldeko kideren bati edo zuen saileko arduradunari eta haren bitartez helaraziko zaizkizue tiketak.
ETAPA ARTEKOAK
LH2 | Erdi Aroko gure herria aitona-amonei erakusten
Badira urte batzuk LH 2. mailako ikasleak Erdi Aroko gure herrian murgiltzen direla. Ikasgelan lantzen dutenaz gain, hirigunean barrena bisita gidatua egiten dute eta bisita hori eginda, hamabost bat egunera, beraiek gidari direla, euren aitona-amonei eskaintzen diete bisita hori bera. Diziplina arteko proiektu honen xehetasun gehiago, langile atarian (albisteen atalean).
BESTELAKOAK
Hainbat artikulu interesgarri
- Nekane Artola (EHIko lehendakaria): “Lege berriak Euskal Herrian publikotasun eredu berri bat eraikitzeko tresna izan beharko luke” (Naiz irratia)
