Aukerako gaiak DBHko maila guztietan daude eta urtero bat egiten da. Ikasleari jakintza-eremu ezberdinak ezagutzeko edo lehendik daudenak indartzeko aukera ematea da helburua. Aukerako gaiak ez du zertan urtero eremu berekoa izan, alda daiteke ikasturte batetik bestera. Astean bi ordu izaten ditu aukerako gaiak.

Ibilbideko gaiak

Ibilbideko gaiak derrigorrezko ikas-etapa bukatu ondorengo ikasketen norabidea definitzen hasteko irakasgaiak dira. Ibilbide akademiko bakoitza bi gairi lotuta dago eta horietako bakoitzak hiru ordu izaten ditu astean. Ibilbideko gaiek astean sei ordu izaten dituzte, beraz.

Zein dira ibilbide akademikoak eta ibilbideko gaiak, eta etorkizuneko zein aukerari lotzen zaio bakoitza?

Zein dira ibilbide akademikoa aukeratzeko aholkuak?

• Ikastolan Orientazio-aholkua emango diegu ikasleei, kasu bakoitzean dagokien ibilbiderik egokienerantz bideratzeko.
• Bakoitzak bere erabakiak hartu behar ditu: erne talde-presioarekin.
• Ez dira atzera egin ezinezko erabakiak. Bide asko daude helburu berera iristeko.
• Espektatibez gain, gaitasunak eta jarrerak ere kontuan izan behar dira.
• Lasaitasuna ezinbestekoa da. Zalantzak izatea oso arrunta da; eta zalantzak argitzeko ongi informatzea, ezinbestekoa. Aukera guztiak ezagutu behar dira.
• Zientzietatik letretarako jauzia errazagoa da alderantzizkoa baino.

Gai osagarriak

Gai osagarriak ikasle bakoitzaren ibilbide pertsonala eta akademikoa osatzeko gaiak dira. Astean hiru orduko irakasgaiak dira eta aukeran dauden guztien artean bat hautatu behar da.

Zein dira aukeran dauden gai osagarriak?

• Frantsesa
• Adierazpen artistikoa
• Digitalizazioa
• Musika