ETAPA MAILAKOAK
MILA KILO ZORION.
Mila kilo zorion
dizugu eskaintzen,
beste urte berri bat
duzulako hasten.
Baietz asmatu zenbat
dituzun betetzen,
zergatik ez ditugu
txaloka kontatzen?
12: Alaitz Lete
13: Oihana Latasa
16: Amaia Olaso
Asteko ekintzak: ikus Calendar
- LH: Chamaleon theatre
- LH5: Orain prebentzioa
Practicum
Amaiur Arizabalo Hidalgok, Maialen Gurrutxagarekin PT praktikaldia egiten ari denak, datorren astean amaituko du practicuma. Eskerrik asko zure laguntza eta prestutasunagatik, Amaiur!
Hezkuntza batzordea
Datorren asteazkenean, otsailak 14, Hezkuntza Batzordea bilduko da. Bertan jorratuko diren gaiak ondokoak dira:
- Hizkuntza proiektua: 2023-2024 ikasturteko plana ezagutzea eta hurrengo pausoak partekatzea
- Ikastolan telefono mugikor eta erloju adimentsuen erabilera arautzeko jarraibideak
- LHko proiektua: zirkulazio autonomoa eta taldekatze malguak
- Bestelakoak:
- Udal Eskola kontseilua
- Galdera erantzunak
Jarraipen batzordea
Aste honetan etapako zuzendaria eta etapako guraso ordezkaria elkartu eta gai desberdinak partekatu dituzte. Aurreraxeago, web orrian zintzilikatuta aurkituko duzue bertan hitz egindakoaren akta.
Asteko kanta
Inauteriak amaitu direnez, datorren astean zehar “Sardinaren ehorzketa” entzungo dugu.
IKASTOLA MAILAKOAK
Solasean
2022-2023 ikasturtean hasitako ibilbideari jarraituz, ikasturte honetan, langileen garapen prozesuan beste aurrerapauso bat eman nahi dugu. Horretarako, aste honetan zehar Solasean-en gaineko ibilbidea aurkeztu, azalpenak eman, sentsibilizatu eta zalantzak argitzeko saioak izan ditugu etapa/sail ezberdinetan. Gainera, saio horietan Jone (OPE Consultores-eko aholkularia) gurekin izan dugu. Prozesu osoaren berrikusketan ere lagundu digute OPE Consultores-eko aholkulariek. Horrez gain, Solasean elkarrizketetan gidari izango diren lankideek prestakuntza saioa ere izan dute.
Beraz, Solasean aurkeztu eta norberaren hausnarketarako eredua ezagututa, hemendik aurrerakoak ondorengoak dira: norberaren hausnarketa egitea eta Solasean elkarrizketa egiteko hitzordua hartzea.
Langile atarian, gainaldeko azpimarretan, Solasean-en atala duzue. Bertan:
- Norberaren hausnarketa betetzeko esteka topatuko duzue. Langile guztiok hilabeteko epea dugu (martxoaren 8ra arte) hausnarketa egin eta hala dagokion gidariari bidaltzeko.
- Solasean elkarrizketak egiteko hitzordua hartzeko botoia topatuko duzue. Horretarako, apirilaren 12ra arteko epea dago.
Gogoratu, Solasean elkarrizketarako hitzordua hartu aurretik, norberaren hausnarketa egin behar dela; eta gutxienez hiru egun lehenago hala dagokion gidariari bidali behar zaiola. Epe hori gutxi gorabeherakoa da, baliteke gidariak egun gehiagoko tartea eskatzea. Bestalde, jakizue, gidariek elkarrizketak modu orekatuan egin ditzaten, jasotako eskaeren arabera beteko direla gidari bakoitzaren hitzorduak eta, beraz, hortik aurrerako eskatzaileek beste gidari bat aukeratu beharko dutela.
BESTELAKOAK
Hainbat artikulu interesgarri
Nola (ez) hitz egin atzerritar jatorriko umeez? (Amelia Barquinen iritzi artikulua Berria egunkarian)
