Ikastola mailakoak
Inikako mezularitzaz
Pasa den asteko formazio-saioetan esan bezala, familiekin harremanetan jartzeko Inika erabiliko dugu, ez emaila. Eta familiei ere gauza bera egiteko esango diegu. Izan ere, besteak beste, egunen batean edo denboraldi batean tutorea ez bada egongo, Inikatik zuzenean mezuak haren ordezkoari helduko zaizkio. Horri jarraiki, animatu nahi zaituztegu lankide arteko mezularitza-tresna gisa ere Inika erabiltzen hastera, besteak beste, hartzaileen filtraziorako aukera oso politak eskaintzen baititu. Denontzako da erreminta berria eta denon artean egingo dugu bidea. Laguntzarik behar izanez gero, jo guregana. Animo!
Kilometroak 2022: laguntza eskaera
Kilometroak 2022 Ibarrako Uzturpe Ikastola ari da antolatzen. Urriaren 2ko jairako gure familia eta langileen laguntza eskatu digute. Kilometroak festaren aurtengo edizioaren alde zuen hondar aletxoa jartzera animatzen zaituztegu. Bete inprimaki hau horretarako.
Gogoratu datorren edizioa antolatzea guri, Orereta Ikastolari, dagokigula. Laster izango duzue horren berri ere. Gogoan izan eta indarrez hartu!
Euskaraldia 2022: izen-ematea
Azaroaren 18tik abenduaren 2ra Euskaraldia ospatuko da “Hitzez ekiteko garaia” lelopean. Aurreko urteetan bezala, Orereta Ikastola arigunea izango da. Ekainean ireki zen ariguneetako kideek izena emateko epea (eman genuen asteko oharretan horren berri). Uda tarteko, egokia iruditu zaigu kontua gogoratzea. Oraindik izena eman ez baduzu, egin hemen.
“Pantailak Euskaraz” ekimenaren gutuna
Pantailek geroz eta leku handiagoa hartzen dute gure egunerokoan, eta euskarak haietan duen tokia oso da txikia. Egoeragatik kezkatuta, hainbat elkarte eta herri mugimenduk bat egin dute “Pantailak Euskaraz” ekimena sortzeko. Familia eta langileen artean zabaltzeko gutuna igorri digute eta erantsita doakizue.
Atlantikaldia
Atlantikaldi bete-betean gaude eta Ikastolatik ere animatu nahi zaituztegu ekintzetan parte hartzera eta festaz gozatzera. https://www.atlantikaldia.errenteria.eus/ webgunean dituzue xehetasun guztiak.
Glisseguna
Orain ia hogei urtetik hona, Seaska Ikastolek eta Ipar Euskal Herriko beste hainbat eragilek Glisseguna antolatzen dute euskara aisialdirako hizkuntza ere badela aldarrikatzeko. Euskara, surfa eta lerra kirolak ardatz dituen jaia irailaren 24an (larunbata) izango da aurten Angeluko itsasbazterrean. Kirol ikuskizunez, musikaz eta dantzaz betetako eguna izango da. Informazio gehiago: hemen
Gaurkotasuna: hezkuntza munduari lotutako hainbat albiste eta artikulu
- https://www.berria.eus/paperekoa/1919/002/001/2022-09-02/aldaketa-dator-hezkuntzara.htm
- https://zuzeu.eus/euskal-herria/ni-ere-ikastolaren-alde/
- https://www.elcritic.cat/entrevistes/cesar-rendueles-la-escuela-publica-tiene-cada-vez-mas-mecanismos-de-segregacion-heredados-de-la-privada-139206
- https://www.eitb.eus/eu/albisteak/gizartea/osoa/8954387/euskadiko-hezkuntza- legearen-zirriborroaren-gakoak-2022/
- https://www.eitb.eus/eu/irratia/euskadi- irratia/programak/faktoria/albisteak/osoa/8956055/koldo-tellitu-eskola-publikoaren- aldeko-jarrera-nabarmena-jasotzen-du-lege- proposamenak/?utm_campaign=General&utm_medium=RSS&utm_source=Irratia
