ETAPA MAILAKOAK
Asteko ekintzak: Ikus Calendar
- LH6 gurasoak: Sexu heziketa formazioa
- LH: Gau Beltza eta ipuin kontaketak baserrian (DBH eta AEK-ko ikasleen eskutik).
- LH: Lantaldeak
- LH: Komunikazio asertiboa formazioaren azken saioa
- LH2-3: Kirol hastapenekin amaitu
Datorren asteko asteko oharrak
Datorren astean, ostirala jaieguna denez, ostegunean izango ditugu asteko oharrak ikusgai.
Eko ordezkariak
Hilabete honen bukaerarako eskertuko genizueke zuen geletan EKO ordezkariak hautatzea: Ekoordezkariak
Jarduera Plan Pertsonalizatuak
Maila eta gela bakoitzean dauzkagun JPPen jarraipen estua egitea beharrezkoa dugu bai irakasleok eta baita zuzendaritzakook ere.
Mesedez, hauen jarraipena egiteko dugun taula begiratu eta osatu osatu beharrekoa.
*Ikasle batek JPP orokorra duen kasuetan komunitate proiektuaren gelaxka beteko dugu hori adierazteko. Ondorioz, arlo guztiak ere beteko ditugu, ulertzen baitugu JPP orokorra izanik gainerako arlo guztietan duela horrek eragina.
Asteko kanta
Urriaren 31n Gau beltza ospatu dugunez, datorren astean ere Pirritx eta Porrotxen “Arimen gaua” entzungo dugu.
IKASTOLA MAILAKOAK
Ikastolen Lan Hitzarmena: behin-behineko soldata igoera
Soldatan %2ko igoera aplikatuko zaie lan-kategoria guztiei, bai oinarrizko soldatan, baita antzinatasunean ere (urtarriletik irailera bitarteko atzerapenak barne).
Jakin badakigu Ordainketa Eskuordetutik, batetik, urriko nominan igoera aplikatuko dutela eta bestetik, urtarriletik irailera bitarteko atzerapenak ere urrikoarekin batera ordainduko direla.
Horiek esanda, kontuan izan ondorengoak:
- Nomina Ikastolatik jasotzen baduzu, batetik, urriko nomina jasoko duzu, eta bestetik, urtarriletik irailera bitarteko atzerapenak nomina bakarrean edo gehiagoan (izan duzun kontratu kopuruaren arabera).
- Nomina Ikastolatik eta soldataren zati bat Ordainketa Eskuordetutik jasotzen baduzu, urriko nomina eta urteko atzerapenak guztia batera ordainduko zaizkizu. Ordainketa Eskuordetuak dena batera ordaintzen duenez eta Ikastolak, aldiz, nomina eta atzerapenak bereizi egin behar dituenez, baliteke urriko nomina negatiboa izatea. Hala bada, ez egin itzulketarik; Ikastola bera arduratuko da hurrengo egunetan hala dagokizuenei kargua egiteaz.
Esmalteriako Ostiralak 2024-25: eskaintza zabalagoa
Orain bi aste aipatu bezala, Esmalteriako Ostiralen eskaintza zabaltzen ahalegindu gara, hasieran prestatutakoa eskasa geratu delako eskaera handiagatik.
Lortu dugu eskaintza zabalagoa egitea: ekintza guztiak bikoiztu ditugu, tailer eta saioetan jende gehiagok parte hartzeko aukera izatea helburu. Irekita dago talde berrietan izena emateko aukera, langile ataritik egin dezakezue. Bigarren taldeetan parte hartzeko plaza kopurua ere mugatua da, gehienezko kopurura iristean izena emateko aukera itxi egingo da.
Saioan parte hartu nahi duen familiarik izanez gero zuen inguruan, eman diezaiokezue honen guztiaren berri; Esmalteriako Ostiraletako saioak ez baitira Ikastolako familientzako bakarrik antolatutako jarduerak, hala nahi duen familia orok har dezake parte.
Gau Beltza 2024
Batean eta bestean entzun eta ikusita jada jakingo duzuenez, Gau Beltza ospatuko dugu urriaren 31n herriko hainbat eragilerekin batera. Langile atarian topatuko duzue eguneko egitaraua, baita boluntario gisa lanean aritzeko izena emateko zerrenda ere. Anima zaitezte parte hartzera!
Zubiak Eraikiz: Hendaiako Ikastolako Eguberriko txokolatezko egutegia eta Seaska egutegia
- HENDAIAKO IKASTOLAKO EGUBERRIKO TXOKOLATEZKO EGUTEGIA
Zubiak Eraikiz egitasmoan bidelagun dugun Hendaiako Gure Ikastolak aurten ere egin du Eguberriko txokolatezko egutegia. 24 txokolatez osatutako egutegia da, abenduaren lehenetik Gabon-egunera bitartekoa; bertako txokolategile eta papergileekin egina.Hendaiako Ikastola aurrera ateratzeko pentsatutako ekimena denez, egutegia eskatzera gonbidatzen zaituztegu. 12 € balio ditu eta azaroaren 3a da eskatzeko azken eguna. Ostean, eskura emango dira eta momentuan ordaindu beharko dira eskudirutan. Langile atarian eska dezakezue egutegia. - SEASKA EGUTEGIA 2025
Seaska egutegia (4€) langile ataritik eska dezakezue azaroaren 3ra arte. Eskura emango zaizue ondoren eta momentuan ordaindu beharko da eskudirutan.
Errigora: “Euskarari puzka” 2024
Errigorako udazkeneko kanpaina atzo, urriaren 24an, jarri zen martxan. Azaroaren 14ra arteko epea dago saskiak eskatzeko. Kanpainaren gaineko xehetasun gehiago eta saskiak eskatzeko aukera langile atarian dituzue. Anima zaitezte!
